Markaz ibn Hajar imeasisiwa kwa lengo la kueneza elimu kupitia mitandao na hasa kwa waislamu ambao hawapati muda wa kukaa darasani, Hata hivyo watu wengi wamekua wakipoteza muda wao kwa kutazama mambo mbalimbali ambayo hayaleti manufaa kwao zaidi ya kuwapotezea muda na kumaliza pesa zao, Hivyo basi tunayo furaha kukufahamisha ndugu muislamu kua lau utatumia fursa yako ya wakati wa jioni nyumbani kwa kutenga baadhi ya masiku na masaa machache basi unaweza kupiga hatua kubwa katika safari yako ya kuijua dini yako na hatimaye utoke kwenye duara la ujinga na ufanye ibada zako kwa elimu. Markaz hii inaendesha masomo yake kupitia mtandao tu. Na inasimamiwa na ustaadh Abuu shaaakir sharifu bn Ally , Amehitimu degree ya elimu ya dini chuo kikuu cha kiislamu cha madina na pia ni mwanafunzi na mwalimu katika markaz sheikhil islaam ibn taymiyya Tanga. Yeye ni mmoja katika waalimu na Anashirikiana na waalimu wengine ambao majina yao yametajwa kwenye orodha ya waalimu hapo juu.